Koffie Brandewyn tert

 

Ek het jare terug die resep gemaak..  

Dit was n groot tert.  

Dit was heerlik maar ek kon nie weer die resep kry nie.    

Toe vra iemand vir n koffie karamel tert resep en siedaar.   

Ek het die brandwyn uitgelos

Ek dink die resep kom uit die Keur tydskrif

Koffie tert

KOFFIE TERT

4 eiers                    1 ¹/₂ kop meel

¹/₂ t sout                 1 t koffiepoeier 

4 e water                4 e melk

1 kop suiker            2 e botter

2 t bakpoeier           1 t vanilla essence

Metode

Klits eiers, suiker saam tot lig geel.  Smelt botter en voeg water, melk en geursel by.  Sif meel en koffiepoeier saam en meng met eiermengsel.  Strooi bakpoeier by en meng als goed saam.  Bak in matige oond van 180^o vir 20 min.

Stroop

1 t vanilla essence              12 e suiker

3 e brandewyn                   1 ¹/₂ kop water

2 e gelyk vol koffie

Metode

Meng en kook saam, gooi stadig oor beslag.  Steek tert met vurk en gooi stroop oor en laat afkoel. 

Smeer gekookte kondensmelk oor die koek.  Meng 1 pak butterscotch kitspoeding met 1 kop melk.  Laat stol in yskas.  Klits 500ml room en poeding tot styf.  Smeer oor terte en versier met ‘n gebreekte flake en kersies

Blogger: http://eposvriende.blogspot.com          http://recipes-english.blogspot.com

http://lekkerresepte.blogspot.com           Recipes of Facebook:  www.facebook.com/ResepteRecipes