Tuesday, March 29, 2016

Patat gebak

 

PATATGEBAK.

 

 

’n Nostalgiese gereg wat in my kindertyd saam met gerookte snoek, varsgebakte mieliebrood en korrelkonfyt bedien is. Smelt-in-die-mond, watertandlekker saam met enige vleisgereg.

 

1 kg patats, geskil, gaar gekook en fyngedruk

180 ml bruinsuiker

125 ml melk

2 eiers

5 ml sout

10 ml vanieljegeursel

250 ml bruinsuiker

125 ml koekmeel

375 ml pekanneute, grof gekap

50 ml gesmelte botter

 

Voorverhit die oond tot 180°C. Meng die fyngedrukte patats, 180 ml bruinsuiker, melk, eiers, sout en vanieljegeursel goed saam en gooi in ’n oondvaste bak. Meng die res van die bestanddele en sprinkel oor die patats. Bak vir 30 minute. Bedien die patatgebak saam met snoek en vars brood. Lewer 6-8 porsies.

Geleen uit Anna Eksteen se nuusbrief