Mielieslaai
3 vet groen mielies
3 ferm rooi tamaties, in klein blokkies gesny
1 rooi ui, in dun wiggies gesny
1 wiel fetakaas, grof gekrummel
60 ml parmesan skaafsels
Slaaisous:
Sap van 1 suurlemoen
45 ml olyfolie
60 ml gekapte vars pietersielie
1 rooi brandrissie, baie fyn gekap met pitte en al
3 ml strooisuiker
3 ml mosterdpoeier
Kook die groen mielies gaar (of braai oor die kole tot gaar) en laat afkoel. Meng intussen die tamaties, uie, feta en parmesan in ‘n slaai bak. Sodra die mielies afgekoel is, sny die pitte (so diep soos jy kan) van die stronke af en voeg dit by die slaai bestanddele. Klits alles vir die slaai sous saam en giet oor die slaai. Meng deur en verkoel tot benodig. Sit verkieslik teen kamertemperatuur voor.
Maak ‘n maaltyd daarvan: Geroosterde of gerookte hoender stukkies verander dié bykos-slaai vinnig in ‘n volledige ete. Sit dan net ‘n lekker brood hierby voor, en siedaar!
Source: inenomdiehuis.blogspot.com
Blogger: http://eposvriende.blogspot.com
http://recipes-english.blogspot.com
http://lekkerresepte.blogspot.com
No comments:
Post a Comment